Klassisk påske

Fredag 11.04 går startsskòtet for «Klassisk Påske i Skudeneshavn», første konsert finn stad i Falnes kyrkje kl. 19:00. Nordvegen prosjektkor og Haugaland ungdomssymfoniorkester (HUSO) blir med, på programmet står utdrag frå Mozarts fantastiske requiem og fiolinkonsert av Vivaldi, den siste med stortalentet Melissa Rodriguez Levang frå Haugesund som solist. Sopranen Elizabeth Balfour er òg solist, samt våre «faste» musikarar Ingerine Dahl (fiolin) og Hans Petter Tangen (flygel), og vår samarbeidspartner Munor (Musikkselskapet Nordvegen), med sine eminente musikarar. Festivalleiar Kjell Magnus Sandve dirigerer Requiem, verkorientering ved Erling Dahl jr.

Laurdag 12.04 startar me opp kl.14.00 med intimkonsert på Det Klassiske Hjørnet i Søragadå 23 med Ingerine Dahl (fiolin), Hans Petter Tangen (piano) og Igor Eliseev (kontrabass). Under tittelen «Storslagent norsk» speler dei fiolinsonate av Fartein Valen, samt cellosonate og trio av Edvard Grieg.

Kl.18.00 same dag byr me på klassisk underhaldningsmusikk på Skudenes Mekaniske verksted. Her blir det musikk av det meir lettliva og svingande slaget, både vokalt og instrumentalt. Alle festivalmusikarane deltar, Kjell Magnus Sandve knytter det heile saman verbalt. Dørene opnar kl 17:30, sal av drikke før konserten og i pausen. (Me minner om 18-årsgrensa knytta til kommunens ambulerande skjenkebevillingar.)

Sundag 13.04 kl.11.00 er det gudsteneste i Falnes kyrkje; her deltar òg festivalmusikarar.

Me ynskjer dykk alle velkomen til ein flott festival!

Festivalkommitéen: Kjell Magnus Sandve (kunstnarleg leiar), Erling Dahl jr., Solveig Hamre Johannessen, Ragnhild Midbøe, Ståle Vikra og Lars Inge Tjøstheim.